Posted in Saum og sneller, tagged advent on 27/11/2016| Leave a Comment »
I år tenner vi ikkje vår adventskrans. Ikkje nubbesjanse med tre berre delvis yndige små i huset! Voilà adventskubben med eitt nytt tre for kvar søndag i advent.
Syfakta –
Mønster: trengst ikkje; klipp ut to like trekantar av passande stoff, sy saman og fyll treet med vatt eller restegarn. Eg har brukt blomsterpinnar til stammar.
Inspirasjon: Pinterest
–Snella–
Posted in Inspirasjon, Saum og sneller, tagged saum, til barn on 15/06/2014| Leave a Comment »
Etter at vi bygde hytte brukar vi dei fleste helgane der. Denne helga er vi derimot heime, og den må difor nyttast godt til å få gjort alle ærend vi ikkje rekk etter jobb. Idag stod det oppgrading av skogarderoba til ungane på planen. Med godt mot traska vi innom dei to skobutikkane som fins i byen for å finne joggesko og tøysko. Det skulle vise seg at det hadde vore mange før oss på samme ærend, så utvalet var skuffande. Til gutane fann eg tilslutt det eg var ute etter, men til Snuppa fantes det ikkje eit einaste par å oppdrive. Som ein siste utveg tok eg fram desse brune tøyskoa frå «gutehylla» på butikken.
ÆSJ! GUTESKO!
Desse var vel fine? Desse passar til alt! Eg prøvde å vere så overbevisande som mogleg. Snuppa var skeptisk, men sa ja under tvil.
Vel heime oppdagar ho at storebroren har fått akkurat same sko, og krisa er eit faktum. ÆSJ! GUTESKO!
Då er det godt at ho mor har eit velfylt hobbyrom. Ein time under parasollen med nål, tråd og nokre strykemerker, og vips
Jentesko! Hurra!
JENTESKO!
Puuh!
– Nøstet –
Posted in handverk, Inspirasjon, Saum og sneller, Uncategorized, tagged drikke, gåveidé, Interiør, saum, til damer, tysk, ull, veninnegåver on 25/04/2014| 3 Comments »
I haust blei strikkeveninna 40 år. I den anledning fann eg ut at eg skulle sy ho ei flott veske. Eg og Snella spleisa på gåva som var veska fylt med masse saker for egenpleie og velbehag.
Litt å kose seg med
Snella strikka sitteunderlag, og elles i veska var det blant anna ein flott krus, deilig te, duftlys, sjokolade, Rotkäppchen og ei sammenleggbar reisestrikkekorg.
Mønsteret på veska kjøpte eg av Noodlehead, og den heiter Super Tote. Det var viktig at veska var stor nok til å romme A4 sånn at den kan brukast til det meste. Eg har ikkje så mykje erfaring med å sy vesker, dei få eg har sydd har vore svært enkle og eg har gjerne gått på kurs då eg sydde dei. På eit par punkt i mønsteret var eg litt usikker på kva eg skulle gjere, men eg trur eg fann ut av det. Eg blei iallefall fornøgd med veska til slutt.
Om eg ein gong skulle få litt ekstra god tid har eg lyst til å sy fleire, for denne veska blei kjempefin. Ganske mykje arbeid og litt frustrasjon innimellom, men vel verdt det når den var ferdig.
Super Tote
Eg har sydd veska i svart kordfløyel kjøpt på Stoff og Stil. Panelet på framsida er eit stoff kjøpt på Åhlens for nokre år sidan og stoffet til fôr er så gammalt at eg ikkje husker kor eg kjøpte det. Det er eit heilt vanleg tynt bomullsstoff som ein får på dei fleste butikkar som har stoff i metervare. For å få veska litt stabil har alle delane påstrøke vliselin på baksida.
– Nøstet –
Posted in Saum og sneller, tagged baby, dåp, gåveidé, norsk, saum on 26/02/2014| 1 Comment »
Tidlegare i år blei Snella sin Skjønnas døypt. Litt på etterskudd fekk eg sendt avgårde dåpsgåva. Storebror Fikslein fekk ein sjiraff til sin dåp, og då tenkte eg det passa godt med ein elefant til veslebror.
Så her kan eg altså presentere Eldar Elefant.
Eldar Elefant
Litt skakk i øyrene, men elles i god form.
Eldar Elefant
Mønsteret finn du i Tildas Atelier. Elefant er det første gong eg har laga, men sjiraffar har det blitt fleire av. Treng du meir sjiraffinspirasjon har eg laga ein frøkensjiraff og Snella frøken Viktualia tidlegare.
– Nøstet –
Posted in Saum og sneller, tagged baby, bomull, saum, sommar on 17/07/2013| Leave a Comment »
Endeleg har eg fått satt meg ned på syrommet litt igjen. I den hektiske kvardagen er det enklare å sette seg ned med strikketøyet foran fjernsynet når ungane er i seng, enn å ta turen på syrommet for å rigge seg til. Men her om dagen tok eg tak i meg sjølv og satte igang. Og det er jo så kjekt berre eg kjem igang!
Denne gangen har eg sydd ei dåpsgåve. Eg har hatt mønster på babydress i str 74 frå Stoff og Stil liggande lenge, og no var det endeleg ein liten pjokk som passa den størrelsen midt på sommaren.
Sommardress med sjiraffar
Stoffet som er brukt er det samme sjiraffstoffet som eg brukte til body ifjor, og enda har eg litt igjen til seinare prosjekt. Denne gongen kanta eg med grøn ribb og eg har kjøpt knappepresse frå Lykkedragen og flotte trykknappar i plast.
Kjekt med ny knappepresse
No er det ferietid og hyttetur som står på programmet, men når den er over har eg lova meg sjølv å bruke meir tid på syrommet!
– Nøstet –
Posted in handverk, Inspirasjon, Interiør, Mat og drikke, Saum og sneller, tagged gåveidé, Interiør, saum, til damer, veninnegåver on 21/04/2013| 2 Comments »
Ein sjeldan gong klarer eg å utnytte fridagen til det fulle, kreativt sett. Denne søndagen var desverre ikkje av den sorten, men forrige søndag var energien på plass og vestlandsveiret tilsa innandørsaktivitar.
På føremiddagen fekk eg prøvd ut ei oppskrift på grove Polarbrød. Oppskrifta henta eg frå tanketanken. Eg laga dei runde og litt tynnare enn oppskrifta. Polarbrøda var ein stor suksess både for store og små, og mange forsvant allereie før dei kom i posar.
Polarbrød
Ettermiddagen blei tilbrakt på syrommet. Sofaen trengte ein oppdatering med nye puter. Stoffet blei kjøpt på Åhlens for eit par år sidan, så det var påtide å trylle det om til noko.
Nye sofaputer
Deilig med sånne produktive søndager!
– Nøstet –
Posted in handverk, Inspirasjon, Saum og sneller, tagged gåveidé, hekla, julegåver, norsk, saum, til damer, veninnegåver on 13/03/2013| 3 Comments »
Heilt sidan eg laga denne skjønne sjiraffen i dåpsgåve til Fikslein har Strikkeveninna snakka om at ein sånn skulle ho hatt på syrommet sitt. Ut på hausten ifjor hadde eg og Snella ein liten sjiraffverkstad der ho laga Viktualia til Cysta og eg denne frøkna til Strikkeveninna.
Frøken sjiraff
Eg storkosa meg med fargerike stoff og perler. Det er klart at ei så flott frøken må ha både smykke og armband. Endeleg fekk eg brukt litt pompom-band som eg hamstra på Panduro ein gong, og det prikkete stoffet har òg vore i lageret ei god stund. Tilslutt fann eg ut at frøkna måtte ha veske. Veska blei til av restegarn og innfallsmetoden.
Frøken sjiraff
No fekk eg lyst på ei sjiraffrøken sjølv!
– Nøstet –
Posted in Inspirasjon, Interiør, Nøstet bygger hytte, Saum og sneller, tagged Interiør on 12/01/2013| 2 Comments »
Endeleg er hytta ferdig nok til å bu i! Framleis gjenstår det litt småplukk med listverk og eit rekkverk, men det kjem på plass iløpet av januar. 
Kjøkkenet er foreløpig innreda med utemøblar, det er kjekt å bu seg litt inn før alt blir bestemt.
Snuppa fekk ny dukkevogn til jul som skal stå fast på hytta. Denne trengte sjølvsagt sengetøy. Her ein kveld fekk eg endeleg sydd det.
Stoffet er frå Jysk, og inni er det ein liten bit av ei gammal pute.
No koser både store og små seg på hytta i det flotte vinterveiret!
– Nøstet –
Posted in Saum og sneller, tagged veninnegåver on 10/01/2013| 3 Comments »
Både Cysta og eg er uhyre glade i sjiraffar, og etter at Fikslein fekk ein flott tildasjiraff til dåpen, bestilte eg sykurs hos Nøstet så Cysta kunne få ein sjiraff à la Tilda til jul.
Viktualia Sjøgren
Eg ville gjerne hylle mi alltid elegante søster med ein sjiraffversjon av ho sjølv. Sjiraffen har derfor fått lekker, glinsande cocktailkjole med paljettar og matchande øyrer (!), paljetthalsband, perleøyrepynt og boa. Boaen er strikka i pjuskegarn på same måten som dei runde banda på islandsvesten. Det var ikkje så lett å lage sko til denne sjiraffen, iallfall ikkje om dei skal rettferdiggjere den rikhaldige og snedne skosamlinga til Cysta.
Eg konkluderer med at sykurset var vellukka. Sjiraffen har fått namnet Viktualia Sjøgren og trivst godt i sin nye heim.
–Snella–
Posted in Inspirasjon, Saum og sneller, tagged saum, til damer, til menn, veninnegåver on 07/11/2012| Leave a Comment »
Sidan eg ikkje kan blogge årets julegåve til Snella heilt enda, tenkte eg å vise noko av det er har gitt ho før.
Vi er begge glade i Marimekko, så å bruke desse flotte stoffa gjer det ekstra kjekt å sette seg ned og sy.
Med hjelp frå Hr Fiks fekk eg størrelsen på Snella sin pc. I ei dansk bok som heiter Hånd i Hanke fann eg mønster til «Computertaske» og justerte det til måla eg hadde fått. Eg fôra veska med dobbelt lag med vatt sidan eg ikkje veledon-vatt som stod i mønsteret.
Pcveske lukka
Inni veska er det eit soppestoff som eg kjøpte på Panduro. Veska har lomme til pc’en sånn at den skal ligge stødig. Og så er det plass til kabel og evt hefter eller bøker ein treng å ha med seg.
Pcveske opna
Så om du kjenner nokon som treng ei pc-veske som ingen andre har, er det jo berre å sette igang!
– Nøstet –
Snella og Nøstet 