Sjiraff frå Tilda

Er du Tilda-fan? Det er eg! Eg har samla dei fleste bøkene og heftene som er gitt ut, og blar i dei regelmessig berre for å kose meg med dei flotte bildene. I ei av dei siste bøkene kom sjiraffen og elefanten med skjørt eller bukse. Eg var solgt frå første møte! Den kom fort på prosjektlista mi. Problemet er berre at den er lengre enn nokon anna liste, så det har tatt ei tid før den realisert. Sidan Snella er over snittet glad i sjiraffar, var det berre rett og rimeleg at Fikslein måtte få ein sånn til dåpen. Så kan jo Snella låne den litt innimellom óg.

Sjiraff

Denne blir det laga fleire av i ulike variantar, det er heilt sikkert! Nesten like sjarmerande som mottakaren…..

– Nøstet –

Reklame

Read Full Post »

Leiketeppe

Som stolt fadder til Fikslein måtte eg ha med meg ei fin gåve. Eg har lenge hatt lyst til å sy eit leiketeppe frå boka «Quilts, bibs, blankies…oh my!» av Kim Schaefer. Mange gonger har eg tenkt eg skulle sy til mine eigne, men når dei var så små var energien like liten, så det blei med tanken. Men no var det berre å sette igong. Eg valgte å sy teppet med tema frå havet.

Leiketeppe

Fiskar, sjøhest, krabbar, sjøstjerne og blekksprut. Eg kosa meg med å finne fargerike og muntre stoff, og klippe ut dei fine figurane.

Teppet ville eg ha tjukt, så ei juniordyne frå barndommen blei brukt som fyll. Baksida er eit fleeceteppe med stjernemotiv. For at desse tre laga skal henge ihop quilta eg rundt kvadrata. Sidan eg hadde brukt ei dyne som fyll, blei dette ei utfordring å få gjennom maskina.

Men alt går, det tar berre litt lengre tid.

Quilting av leiketeppe

Eg blei veldig fornøgd med teppet, og vurderer å prøve meg på eit til når nevøen skal døypast. Men då blir det utan dyne som fyll ;).

– Nøstet –

Read Full Post »

Bunadsinspirert dåpskjole

Snella og Nøstets siste fellesprosjekt er dåpskjolen til Fikslein. Ønsket var ein tradisjonell kvit kjole med litt bunadspreg.

Kjolen er sydd etter grunnmønsteret 83001 Dåpskjole frå Stoff og stil. Den var relativt enkel å sy, og stoffet var greit å sy i og veldig lett å stryke. Sånn såg kjolen ut når den var sydd etter mønsteret.

Dåpskjole etter mønster

Ein veldig fin dåpskjole, men det mangla det lille ekstra. Så ved å sette sammen delane på skjørtet til kjolen og kutte det i lengda, så laga vi eit mønster til kappa. Stoffet til kappa var tynt, gjennomsiktig og lett. Eit stoff som «levde» når ein tok i det. Ei skikkelig utfordring å jobbe med. Når det blei sydd i, drog symaskina med seg trådar i stoffet, omtrent som når ein tråd hektar seg i noko på ei nylonstrømpebukse. Men det fins alltid ei råd!

Til symaskina fins det mange ulike nåler. Dei fleste har vel høyrt om nåler til skinn og denim. Men det fins enda fleire. Blant anna ei som heiter kulespissnål. Eller jerseynål som nokon kallar den. Denne nåla er runda på ein anna måte og har eit anna spor framme på spissen som gjer at den ikkje drar med seg trådar i stoffet. Den er smart å bruke på blant anna «strikka stoff» som jersey, men fungerte òg utmerka på dette tynne stoffet.

Vel, som bileta under viser, så måtte det mange nåler til for å kontrollere stoffet. Den største utfordringa i forhold til mønster var å få ein fin boge under armen. Sidan det var så lite hald i stoffet, valte eg å legge inn eit skråband. Dette gjorde òg at det blei enklare å sy kappa fast til kjolen etterpå.

Dåpskjole

Til broderia har vi brukt mønster frå trysilbunaden og laga vår eigen kombinasjon. Takk til Husfliden i Trysil for at mønstra ligg ute! Blomsterrankane er brodert på same stoff som dåpskjolen og sydd på kappa. Vi valte å bruke brodergarn i to lillafargar, grønt, to gråfargar og svart. Mønsteret er teikna på med tusj som forsvinn i kaldt vatn.

Som på ein bunad er ei sølje prikken over i-en på denne dåpskjolen.

Her kan du lese innlegg om dåpsfesten, den løkfrie festbuffeen, den alkoholfrie velkomstdrinken og ein annan alkoholfri velkomstdrink.

– Snella og Nøstet –

Read Full Post »

Strikkemappe

Når ein har mange strikkeprosjekt på gang eller når ein skal på tur med strikketøyet sitt, så er det kjekt å ha ei strikkemappe. Eg har sett fleire flotte variantar på nettet, og har sjølv arva ei som eg brukar dagleg. Så når eg skulle finne julegave til Strikkevenninna i 2011 fann eg ut at ei strikkemappe måtte vere midt i blinken. Det er lenge sidan eg lagra lenka til ei nettside som viser deg korleis ein syr slike, så det var berre å sette seg ved symaskina med Mac’en ved sida av.

Strikkemappe

Eg brukte stoff fra Ikea på utsida. Eit stoff som er litt hald i. Eg sydde den større enn den som blir vist på lenka, det er ingen problem å endre størrelsen til den ein ynskjer. Mappene kan sjølvsagt også brukast til toalettveske, skopose eller oppbevaring av andre ting. Det blir sydd fleire slike!

– Nøstet –

Read Full Post »

Jul med Tilda

Julefreden har senka seg i Nøsteheimen. Juletreet er pynta og pinnekjøtet er lagt i vatn.

Årets juletre

Juletreduken laga eg for nokre år sidan og inspirasjon henta eg frå ei Tilda-bok. Det er applikerte figurer på duken som er sydd rundt med knappholssting på maskin. Her finn du reinsdyr med slede, juletre, pingviner, snømenn og peparkakemenn i skjønn forening.Peparkakemenn frå samme boka kan du sjå i innlegget frå Snella.

Juletreduk med Tildafigurer

Tilda juletre

Tilda sine figurer har lenge vore ein favoritt og desse blant anna desse englane har eg laga fleire av i gåver.

Men desse to måtte eg ha sjølv.

Tilda juleengler

God jul!

– Nøstet –

Read Full Post »

Hjerte

Hjerte må vel vere eit av dei finaste symbola vi har. Det er iallefall ein stor favoritt hos meg. Rundt om i huset har eg hjerte i ulike variasjonar.

Skåla frå Magnor fekk eg som avskjedsgåve når eg slutta på min forrige arbeidsplass. Den minner meg om ein flott arbeidsplass og enda finare kollegaer. Engelen med hjerte er eg så heldig at eg har to av. Desse har eg fått av den minste broren min og dei står rundt bilda av mine kjæraste. Dei er kjøpt på Kattepina Glassdesign. Rekka av grøne hjerte sydde eg for nokre år sidan. Malen til hjerta fann eg i ei Tilda-bok. Hjerta er fylt med vatt og tredd på fiskesnøre med perler mellom. Dei heng ved inngangsdøra og ønsker velkommen. Telysestaken som heng i vindauge starta som julepynt, men så blei eg så glad i den i fjor at den aldri blei tatt ned. Til slutt eit brodert hjerte som eg har satt på bildelista. Mønsteret til hjertet fann eg utgangspunkt til i ei strikkeoppskrift. Så var det berre å forstørre det til den størrelsen som eg hadde tenkt meg. Brodert på to kvelder og vips eit flott hjerte i glass og ramme.

– Nøstet –

Read Full Post »

Vognpose i Marimekkostoff

Både eg og Snella er glade i Marimekko. Aller best liker eg Unikkomønsteret. Eg har laga fleire ting med dette stoffet i ulike farger. Når Snuppa var baby sydde eg dynetrekk i lilla Unikkoblomster. Det har eg desverre ikkje bilde av, og dynetrekket er no spretta opp og stoffet klart til å bli nye flotte produkt. Slike flotte stoff må naturlegvis resirkulerast. Det eg derimot har bilde av er vognposen som eg sydde av grønt Unikkostoff.

Marimekkovognpose

Posen er sydd etter enklaste prinsipp. Eg bestemte meg for lengde og bredde. Klippa opp Unikkostoff og grøn fleece til å ha inni posen. Sydde alt sammen til eit veldig langt rektangel, og satte i glidelås på begge sider i passe lengde. Klippa opp ei IKEA-dyne og sydde den i samme str som trekket. Tredde den inni trekket og sydde igjen. Voila. Skulle eg ha gjort det igjen hadde eg nok jobba litt med å avrunde hjørner og slike ting, men der og då var eg veldig fornøgd med å ha laga ein vognpose. Posen fungerte kjempefint og var varm og god. Og ikkje minst mykje flottare enn den kjedelege svarte kjøpeposen vi brukte før.

– Nøstet –

Read Full Post »

Hardangersaum og dukkeseng

Eg held på å gjere rommet til Snuppa litt finare. Vinduskarmane har fått seg nokre strøk maling og senga er bygd høgare for å få korger med kle under. Senga er ikkje heilt ferdig endå, så den skal eg komme tilbake til i eit seinare innlegg. Men når eg først hadde framme malekosten tenkte eg at dukkesenga måtte få seg ein bli-ny-dag ôg.

Dukkeseng før

Så etter to strøk grunning og eit med superblank vannbasert oljemaling (motstridande med vannbasert oljemaling seier kjemikaren i meg, men, men…) blei senga flott.

Dukkeseng etter

Og når senga blei så fin kunne eg ikkje legge på det skrekkelege 90-tals sengetøyet igjen. I mitt velfylte syrom har eg eit par poser med gamalt sengetøy som eg har arva etter besta. Sengetøyet bærer preg av å ha lege i gamle skap i mange år. Det er både flekkete og har andre skader. Men sengetøyet har flotte broderi i enten hardangersaum eller engelsk broderi, så det er for fint til å kaste. Til dukkesengetøyet valgte eg hardangersaum. Eg syns det blei eit staseleg sengetøy, og Snuppa var storfornøgd med resultatet.

– Nøstet –

Read Full Post »