Feeds:
Innlegg
Kommentarar

Posts Tagged ‘ull’

Når sommervarmen endeleg er komen, er det kjekt å ha litt småprosjekt å jobbe med. Noko som ikkje ligg tungt og varmt i fanget, eller har tjukk ulltråd som får hendene til å svette. Eg strikker ofte sokkar, huer eller kluter når det blir for varmt. Denne langhelga var sommaren innom på Vestlandet og eg henta fram igjen sokkane som har vore innimellomprosjekt ei lang stund.


Strikkefakta: Vanilla Socks frå Mina Phillip
Garn: Svart Fabel og multifarga garn i samme tjukkelse, mest sannsynlig Opal.
Pinne: 2,5 mm


Sokkane eg strikker er som regel resteprosjekt. Eg har ein god del påbegynte nøster med sokkegarn, og det kombinerer eg som regel med svart Fabel. Her trudde eg at det var litt lite multifarga garn, så eg satte optimistisk igong med striper. Etter ei stripe kom eg på at det syns eg ikkje var så gøy i kombinasjon med magic loop, så det blei med den eine stripa. Rekke opp var heilt uaktuelt på restegarnsokker. Desse går i gåvekassa sidan dei blei litt små til meg.
Nøstet –

Read Full Post »

Løvlisjal

Av og til, eller eigentleg ganske ofte, så dukker det opp oppskrifter som ein berre må strikke! Dette er ein av dei som kom på den lista! Så enkelt med rillene, og så interessant med løvkanten!

Strikkefakta:
Oppskrift: «Løvlisjal» av Elisabeth Steenks, @_strikkelisa_ på Instagram
Pinne: 3,5 mm
Garn: Kvit Sandnes Lanett. 054 og 055 (grønfargar) Cheeky Merino Joy frå Rosy Green Wool, kjøpt frå NinaPetrina då vi var på Bergen Strikkefestival.

Akkurat no er det heldigvis litt for varmt til å bruke sjal, men dette skal nok bli brukt mykje når det blir litt kaldere. Imens tripper eg etter å begynne på fleire Løvli-oppskrifter, har du sett løvliskjørtet?
Nøstet –

Read Full Post »

Eg synes det er vanskeleg å finne fine strikkemønstre til gutar. Sjølv om det har blitt mykje betre dei siste åra, har ikkje så mykje fenga meg. Det kan nok vere at det er eg som er litt kresen. Eg likar at det skal vere litt fargar, men helst ikkje fleirfargestrikk. Ikkje heilt enkel, men likevel ikkje for komplisert. Ja, du skjønar!
Men her fann eg ein som eg likte veldig godt, og då passa det jo fint at eg trengte ei gåve til ein skjønn gut på 5 år.

Strikkefakta:

.

Mønster: Oppskrift nr 3 frå Rauma Design Barn 245R, strikka i str 8 år sidan eg strikker ganske fast.

.

Garn: Rauma Tumi, blå 0190 og blå 6416

.

Pinne: 2,5 og 3mm

Det var mitt første møte med dette garnet. Det virka veldig mjukt på nøstet og det samme verka genseren når den var ferdigstrikka, men garnet sklei liksom ikkje på pinnane når eg strikka med det. Så det blir nok andre garnalternativ om eg skal strikke fleire. Og det er godt muleig eg gjer. Snuppa har allereie bestilt ein i rosafargar. Strukturen på genseren synes eg blei heilt fantastisk. Armane er dekte med falske fletter, men det kjem dessverre litt dårleg fram i den mørkeblå fargen. Det blir nok mykje betre med ein litt lysare farge.

.

– Nøstet –

Read Full Post »

Augusta

Eg er ein skikkeleg frostpinne. For nokre år sidan fekk eg pulsvarmarar frå Strikkeveninna til jul. Desse ligg fast på jobb, og brukast flittig når det er kaldt på kontoret. No er dei begynt å miste fasongen etter mykje bruk, så eg har lenge tenkt på at eg skulle hatt eit par nye.

Strikkefakta:

Mønster: Augusta frå Frk.Badegakk med bloggen A wee bit knitty

Pinne: 3,5 mm

Garn: Museumstvinn frå Norsk Trikotasjemuseum.

Garnet kjøpte eg på Salhus når vi var på Bergen Strikkefestival ifjor. Det tråder i raud, oransje og rosa som er tvinna til garn og det gjer at det blir eit fantastisk fargespel i garnet. 

– Nøstet –

Read Full Post »

Eg har produsert enda fleire huer. Både til jentebursdagar og andre anledninger. Først ut er ei baggy hue som eg har hekla ein gong før. Denne hua skal til Snuppa si besteveninne. Det er viktig å ha likt tilbehør, berre andre fargar.


Heklefakta:

Oppskrift: «Virkad mössa med häng» av Bautawitch

Garn: Rosa Opal sokkegarn, resten er Arwetta Classic. Det er hekla med dobbelt garn.

Heklekrok: 4.0

Neste hue ut er ei som eg har laga mange av, men dei fleste har forsvunne ut av huset før eg har fått tatt skikkelige bilder av dei. Denne er superkjapp å strikke.


Strikkefakta:

Mønster: Bliss fra garnstudio.com

Garn: Drops Nepal, lys blå nr 7120

Pinne: 4,0 mm
Eine fadderungen min blei plutseleg 9 år, og i tillegg til nokre spennande bøker fekk han ei hue som sit tett på hovudet og passar fint under sykkelhjelmen.

Strikkefakta:

Mønster: La opp 120 masker. Vrangbord med 1 vridd rett, 1 vrang passe langt. Fortsatte i glattstrikk til passe lengde, felling med 2 rett, 2 rett sammen. To omg uten felling, deretter 1 rett, 2 rett sammen. To nye omg uten felling og deretter to masker sammen heile vegen rundt. Deretter to sammen til ein har så få masker igjen at ein kan snurpe saman med ein tråd.
Garn: DSA Sterk

Pinne: 3,0 mm
Siste hue ut er også i Sterk, som før nemnt er eit av mine favorittgarn. Denne hua har vi ikkje blitt einige om kven som skal ha, det kan vere vi må dele eller så må eg strikke ei til. Luksusproblem! Eg vil gjerne ha den og bruke den som baggy hue, mens Nøsteguten vil ha den oppbretta som vist til venstre. Denne hua såg eg først på bloggen til Skorpionens hjørne.


Strikkefakta:

Mønster: Hipsterlue fra Tusenideer.no, eg la opp 116 masker som er litt meir enn i oppskrifta.

Garn: DSA Sterk

Pinne: 3,5 mm

Det blir nok enda fleire huer om ei stund. Det er fleire jenter i klassen til Snuppa som har bursdag, og gutane mine har óg komme med ønsker til huegarderoben. Garnlageret skal få køyrt seg!
– Nøstet –

Read Full Post »

Endeleg var det Snella sin tur til å fylle år! Sidan det var rund dag var det klart at det måtte bli ei gåve som var ekstra fin. For halvanna år sidan hadde Malsen og Mor fine garnpakkar med mønster på Ugleteppe Unni. Dei ulike fargekombinasjonane hadde fått namn etter forskjellige ugler. Kva ugletype eg endte opp med kan eg ikkje hugse, men eg håper at desse fargane kan passe hos Snella.

Det fantastiske mønsteret er designa av Ann Myhre/pinneguri og kan kjøpast på Ravelry. Eg kan ikkje lenger finne garnpakke hos Malsen og Mor, men fargar kan ein jo velge som ein vil sjølv.
Strikkefakta:

Mønster: Ugleteppe Unni av Ann Myhre/pinneguri.

Pinne: 2,5 og 3mm

Garn: Malsen og Mor – Shetland Supersoft

Eg strikka teppet rundt og hekla langs kantane før eg klipte. I mønsteret står det at det teppet skal ha enda ein rapport med uglene i dei ulike fargane, men det ville eg ikkje hatt nok garn til. Då ville det óg ha blitt veldig langt. Mulig eg har strikka litt lausere enn det skulle. Eg blokka teppet og då kom uglene veldig fint fram. Heile teppet veg under 500 gram, men sjølv om det er eit tynt teppe vil det varme godt med reint ullgarn som er dobbelt heile vegen pga mønsterstrikken. 
Eit sånt teppe skulle eg absolutt hatt sjølv, men etter ein haust med intensiv strikking på ugler tenker eg at det blir kjekt å strikke andre mønster ei stund. 
– Nøstet –

Read Full Post »

Veninna ønskte seg nye hanskar, for dei eg ga ho for mange år sidan var utslitt. Men altså, hanskar, det kjem lengst ned på lista over det eg liker å strikke. Motivasjonen pleier å mangle etter finger nummer to. Så istadenfor leita etter dei flottaste vottane, og dei trur eg at eg fann! Jared Flood har ei mengde flotte mønstre, og eg landa på Grove

Grove

Grove


Dei vridde rette maskene gjer at vottane ser ut som eit kunstverk, og dei var utruleg kjekke å strikke. Eg starta å strikke desse like før vi var på jentetur til Bergen Strikkefestival og har strikka på dei i rykk og napp mellom andre julegåveprosjekt.

Strikkefakta:
Mønster: Grove av Jared Flood
Garn: Drops Nepal
Pinne: 4 mm


Så får vi håpe at veninna syns det er greit med vottar istadenfor hanskar! Med mindre enn 1 veke igjen til jul er det greit å vere ferdig med dei fleste heimelaga julegåvene, men nokre små til skal det vere muleg å få til enda!

Nøstet – 

Read Full Post »

Julegåveproduksjonen har vore igong i lang tid. Ikkje alt kan visast på bloggen, men desse trur eg er trygge.


Som du ser på bilete er det ingen tegn til snø her enda, men om og når den først kjem er det kjekt å kunne skrape bilen uten å bli alt for kald på hendene.

Strikkefakta:

Oppskrift: Legg opp passe antall masker etter kor tjukt garn du har, her har eg brukt 44 masker. Strikk glattstrikk nokre cm lengre enn du vil ha den, fell som til ein vott men la det stå igjen nokre masker slik at det er hol til skrapa. Tov den passeleg.

Garn: Pt3 og Dale Popcorn

Pinne: 7

Neste tova julegåve ut er tova tøfler. Ei veninne bur i eit hus med kalde golv og har ønskt seg noko varmt på beina. For nokre år sidan strikka eg Moon Socks til ho og desse er no utsletne. Eg håper desse er litt meir robuste!


Strikkefakta:

Oppskrift: Viking-garn hefte 1113-27. Eg har kutta perler og brodert kant på toppen.

Garn: Dale Hubro

Pinne: 7

Om eg skal strikke fleire av desse ville eg hatt litt færre masker rundt ankelen, for der syns eg dei kunne ha vore litt strammare. Dette er dessverre vanskelig å avgjere før ein tover. Desse trengte tre runder i vaskemaskina før dei blir små nok, men no er dei skikkeleg varme og tette. Tidligare har er forresten strikka tova tøfler til Snella og Snellemannen.

Om du framleis ikkje er ferdig med julegåvene har du god tid til å lage slike produkt. Votten strikkar du på ein kveld, og tøflene klarer du på ei helg.

 Nøstet –

Read Full Post »

Er du godt igong med julegåvene? Begynt å stresse litt allereie? Fortvil ikkje, her er eit godt tips! Er det noko alle treng, så er det ein god og varm hals.

img_0108

Strikkefakta:

Mønster: Perlestrikket lang hals med snurr av Marte Helgetun – gratisoppskrift

Garn: Sandnes Mini Alpakka Tweed, farge grå, dobbelt garn

Pinne: 5,5 mm

Garnmengde: 191 gram

Finn nokre nøster mjukt garn i rett tjukkelse og strikk perlestrikk så lenge du har garn og tid. Har du tjukkere garn blir det ein grovare struktur og det går fortere å strikke. Marte Helgetun har fleire gratisoppskrifter på halsar med ulik struktur og garntypar, så ein kan finne noko for ein kvar smak.

 

Sånn, då er det berre å sette igong!

 

Nøstet-

 

 

Read Full Post »

Eg har alltid eit par sokkar på pinnane. Dei ligg i ei lita strikkeveske som er lett å putte i veska om eg skal ein plass og får litt strikketid, og sidan sokkane eg strikker stort sett er utan mønster er det lett å strikke vidare uten å måtte lese kor ein er på eit mønster. 

Alle treng jo sokkar, så det er kjekt å ha nokre par liggande om det plutseleg kjem ein bursdag ein har gløymt, eller når julestrikkelista som vanleg er dobbelt så lang som det er muleg å komme gjennom. På bilete over har eg strikka ribbesokker. Klumpen fekk dei grøne og svarte, mens dei tre andre har flytta til ei niese, ein nevø og til min lillebror. Dei rosa er strikka i Lana Grossa sokkegarn som er veldig elastisk. Dei grøne og svarte er frå samme garnleverandør, men garnet liknar meir på Fabel. Dei brune med striper er i Fabel eller Regia og dei blå i tjukt raggegarn av ein eller anna type.


Tøffelsokkane strikka eg til ungane for å ha på hytta. Dei er strikka i Fritidsgarn i sjølve foten, sydd saman og strikka på eit par omgonger med superwashgarn til ribb før dei blei tova. Deretter strikker ein opp ribben med superwashgarn, eg har brukt Smart og Falk. Mønsteret finn du i Sandnes Tema 19 Toving. Angry Bird sokkane har eg strikka etter eit bilete, og desse er strikka i eit Rubin. Maskesting kan eg med fordel øve meir på. Det var Fikslein som fekk desse til 4-års dagen.

Vanilla Socks

Vanilla Socks

Sokkane på denne siste kollasjen og dei to øverste på forrige bilete er Vanilla Socks, mønster frå Mina Phillip som har videopodcasten The Knitting Expat. Det er heilt enkle sokkar i glattstrikk med litt ribb øverst og hæl av forkorta rader. Desse strikker eg med magic loop og begge sokkane samtidig. Den einaste endringen eg gjer er at eg feller litt fortere på tåa. Eg har ei stor korg med fleirfarga sokkegarn etter at eg var så fascinert av slikt garn for mange år sidan, nokon av nøsta er det berre eit av og nokre er restar frå andre prosjekt. No prøver eg å få strikka det opp med å blande fleire nøster, putte inn litt einsfarga ribb, hæl og tå der garnet ikkje rekk. Det meste av garnet er Opal, Fabel og Regia. Eg er ikkje så nøye på at sokkane skal bli heilt like, så om eg har berre eit nøste starter  eg frå innsida av nøstet til den eine sokken og frå utsida til den andre. 4 av desse para er gitt vekk i gåver og dei to siste blir nok gitt til jul. Og det er sjølvsagt eit par på pinnane som blir strikka på innimellom.
Nøstet –

Read Full Post »

Older Posts »