Babyteppe med «havmønster»

I påska i fjor hadde eg gløymd å ta med meg strikketøy til Berlin. Dermed plukka eg opp nokre nøste fleirfarga Regia-garn i blått, grått, brunt og kvitt og eitt einsfarga nøste i mørkegrått og ga meg i kast med eit deilig og mjukt babyteppe. Teppet er strikka fram og tilbake i glattstrikk. Kvar 10. cm strikka eg to masker saman og auka ei maske med ca. 15 maskers mellomrom for å få litt bølgeeffekt. Med litt godvilje minner teppet om havet.

Babyteppe med havmønster og blondekant

Teppet fekk ein strikka blondekant:

Strikka blondekant

Mønsteret til kantblonda har eg frå eit vekebladutklipp, så eg veit dessverre ikkje kven som skal krediterast.

Vil du strikke kant til eit babyteppe, er dette ei fin oppskrift:

Legg opp 6 m og strikk rapportar slik:

1. 1 m laus av, 1 r, k, 2 r sm, k, 2 r
2. k, 2 r sm, 5 r
3. 1 m laus av, 2 r, k, 2 r sm, k, 2 r
4. k, 2 r sm, 6 r
5. 1 m laus av, 3 r, k, 2 r sm, k, 2 r
6. k, 2 r sm, 7 r
7. 1 m laus av, 4 r, k, 2 r sm, k, 2 r
8. k, 2 r sm, 8 r
9. 1 m laus av, 5 r (k, 2 r sm) 2 ggr
10. k, 2 r sm, set den siste m som blei str over på venstre p, løft dei neste tre m over, set gjenståande m på høgre pinne over på venstre p, str 2 m sm, 5 r

Gjenta alle radene til blonda er lang nok og sy fast rundt teppet. Teppet må blokkast for at blonda skal komme skikkeleg til sin rett.

– Snella –

Reklame